એક વરરાજા અને જુડવા દુલ્હન,રિંકી-પિંકીનું દિલ એક જ વ્યક્તિ પર આવી ગયું, જુઓ વીડિયો
લગ્નોની સિઝન શરૂ થઈ ગઈ છે.પ્રી-વેડિંગ શૂટ,વર-કન્યાના ડિઝાઈનર કપડાથી લઈને ભવ્ય લગ્નો સુધીની પોસ્ટ પણ સોશિયલ મીડિયા પર જોરદાર વાયરલ થઈ રહી છે.આ દરમિયાન સોશિયલ મીડિયા પર લગ્નનો એક વીડિયો ખૂબ જ શેર કરવામાં આવી રહ્યો છે.
આ વીડિયો વાઈરલ થવાનું કારણ શાનદાર બ્રાઈડલ એન્ટ્રી કે વરનો ડાન્સ નથી,પરંતુ એક જ યુવક સાથે બે જુડવા બહેનોના લગ્ન છે.લગ્નનો આ વાયરલ વીડિયો મહારાષ્ટ્રના સોલાપુરનો જણાવવામાં આવી રહ્યો છે.મળતી માહિતી મુજબ,જુડવા બહેનો મુંબઈમાં આઈટી એન્જિનિયર છે.
એવું કહેવામાં આવી રહ્યું છે કે જુડવા બહેનો પિંકી અને રિંકીના પિતાનું થોડા સમય પહેલા નિધન થઈ ગયું હતું.જે બાદ તે તેની માતા સાથે સોલાપુરના માલશિરસ તાલુકામાં રહેવા લાગી હતી.તાજેતરમાં રિંકી અને પિંકીની માતાની તબિયત લથડી હતી.બંનેએ માતાને હોસ્પિટલ લઈ જવા માટે પાડોશમાં રહેતા અતુલની કારનો ઉપયોગ કર્યો હતો.
અતુલનો મુંબઈમાં ટ્રાવેલ એજન્સીનો બિઝનેસ છે.આ પછી અતુલે પિંકી અને રિંકી સાથે વાત કરવાનું શરૂ કર્યું.ધીરે ધીરે આ વાતચીત પ્રેમમાં બદલાઈ ગઈ.પરંતુ એક અથવા બંનેમાંથી નહીં. પિંકી અને રિંકી એકબીજાથી દૂર રહેવા માંગતા ન હોવાથી બંનેએ અતુલ સાથે લગ્ન કરવાનું નક્કી કર્યું.અતુલે પણ તેના નિર્ણયનું સમર્થન કર્યું અને ત્રણેય આ લગ્નથી ખૂબ જ ખુશ છે.
Two sisters, both IT professionals, from Mumbai marry same man from Akluj village in Solapur, Maharashtra. pic.twitter.com/xsTAaGhNAt
— Love (@LocalBabaji) December 4, 2022
વીડિયો વાયરલ થયા બાદ યુઝર્સ સોશિયલ મીડિયા પર સવાલ ઉઠાવી રહ્યા છે કે શું આ લગ્ન કાયદેસર છે? આ સાથે સ્થાનિક પોલીસે પણ આ મામલે તપાસ શરૂ કરી દીધી છે, જોકે આ અનોખા લગ્ન પર પરિવારજનો તરફથી કોઈ પ્રતિક્રિયા આવી નથી.