પૂર વચ્ચે લગ્નના બંધનમાં બંધાયું કપલ, આ રીતે કરાવ્યું ફોટોશૂટ, એરલિફ્ટિંગ કરીને બચાવ્યો જીવ

ઘણી છોકરીઓ તેમના લગ્નનું સ્વપ્ન જુએ છે. પરંતુ એવી ઘણી ઓછી છોકરીઓ હોય છે જેમના લગ્ન સાથે જોડાયેલા તમામ સપના પૂરા થાય છે. ઓસ્ટ્રેલિયાની એક છોકરીએ પણ આ સમયગાળા દરમિયાન પોતાના લગ્ન અને ફોટોશૂટ સાથે જોડાયેલા ઘણા સપના જોયા હતા. પરંતુ આ બધા સપના અધૂરા રહી ગયા જ્યારે લગ્ન દરમિયાન ભારે વરસાદ પડ્યો અને તે પછી પૂર આવ્યું.

અહીંના પૂર્વ કિનારે સતત થઈ રહેલા વરસાદને કારણે પરિસ્થિતિ એટલી ખરાબ થઈ ગઈ કે પૂરમાં ફસાયેલા 18,000 લોકોને સુરક્ષિત સ્થળે ખસેડવામાં આવ્યા. 20 માર્ચની સવારે, ઓસ્ટ્રેલિયન રહેવાસી કેટ ફોધરિંગહામ જ્યારે તેના ઘરમાં પૂરના પાણીને પ્રવેશતા જોયા ત્યારે તેને આંચકો લાગ્યો હતો.

તે જ દિવસે બપોરે 3 વાગ્યે, કેટે તેના મંગેતર વેઈન બેલ સાથે લગ્ન કર્યા હતા. કૅટના લગ્નના બધા સપના ચકનાચૂર થઈ ગયા છે. કેટે વિચાર્યું કે તે તેના પતિ સાથે લગ્નના ડ્રેસમાં ફોટોશૂટ કરશે. પરંતુ જ્યારે પૂરના કારણે તે સ્થળ પર પહોંચી શકી ન હતી ત્યારે તેણે પૂરની સામે ફોટોશૂટ કરાવ્યું હતું.

આ ફોટામાં દેખાઈ રહ્યું છે કે કેવી રીતે આખો પુલ પૂરની ઝપેટમાં આવી ગયો. આ પછી પણ તેણે તેના કેટલાક મિત્રો સાથે ફોટોશૂટ કરાવ્યું હતું. તે પછી, કેટે સ્થળ પર પહોંચવા માટે ટ્વીટ દ્વારા લોકો પાસે મદદ માંગી અને એ પણ જણાવ્યું કે તે ચારે બાજુથી પૂરમાં ફસાઈ ગઈ છે. કેટની મદદ માટે એફિનિટી હેલિકોપ્ટર કંપની આગળ આવી. તેઓને હેલિકોપ્ટર દ્વારા તે સ્થળે લઈ જવામાં આવ્યા હતા જ્યાં બંનેના લગ્ન થયા હતા.