ટીવી રિપેરિંગ કરનાર ની દીકરી સાનિયા બનશે ભારતની પ્રથમ મુસ્લિમ મહિલા ફાઈટર પાઈલટ, જાણો તેની સંઘર્ષ ગાથા…..

NDA એટલે નેશનલ ડિફેન્સ એકેડમી.સેનામાં ઓફિસર બનીને દેશની સેવા કરનારાઓ માટે પરીક્ષા લેવામાં આવશે. મિર્ઝાપુરની રહેવાસી સાનિયા મિર્ઝા દેશની પ્રથમ મહિલા મુસ્લિમ ફાઈટર પાયલટ બનવા જઈ રહી છે.સાનિયાએ UPSCની NDA પરીક્ષા પાસ કરીને આ સ્થાન હાંસલ કર્યું છે.સાનિયાએ પરીક્ષામાં 149મો રેન્ક મેળવ્યો છે.

એક રિપોર્ટ અનુસાર,સાનિયા મિર્ઝાપુર જિલ્લાના જસોવર વિસ્તારના રહેવાસી શાહિદ અલીની પુત્રી છે.શાહિદ વ્યવસાયે TV મિકેનિક છે.પોતાની પુત્રીના આ માઈલસ્ટોન પર સાનિયાના પિતા શાહિદે કહ્યું, ‘હું બહુ ખુશ છું.મારી દીકરીએ સમગ્ર જિલ્લામાં પોતાનું નામ રોશન કર્યું છે.તેને ફાઈટર પાઈલટ તરીકે પસંદ કરવામાં આવી છે.

આખા દેશમાં માત્ર બે જ બેઠકો હતી.તેનું નામ ઉત્તર પ્રદેશમાં પણ છે.હું એક TV મિકેનિક છું.મેં મારા બાળકો માટે 14-16 કલાક કામ કર્યું છે. કોઈ વસ્તુની અછત નહોતી પડવા દીધી. મારી દીકરી અવની ચતુર્વેદીને જોતી હતી.તેણે તેનાથી પ્રેરણા લીધી હતી.

રિપોર્ટ અનુસાર સાનિયાને UPSC NDAના 149મા કોર્સ માટે પસંદ કરવામાં આવી છે. તેની ટ્રેનિંગ 27 ડિસેમ્બરથી ખડકવાસલા એકેડમીમાં શરૂ થવા જઈ રહી છે.પોતાની સફળતા પર સાનિયાએ કહ્યું,

‘મારી NDAના 149મા કોર્સ માટે પસંદગી કરવામાં આવી છે.મારે 27મી ડિસેમ્બરે એકેડમીમાં જોડાવાનું છે.મેં મારું પ્રારંભિક શિક્ષણ મારા ગામમાંથી કર્યું છે.મને વિજ્ઞાનમાં રસ હતો અને નાનપણથી જ હું એન્જિનિયર બનવા માંગતી હતી. પરંતુ ગામની શાળામાં વિજ્ઞાન પ્રવાહ ન હતો.જેના કારણે તે 11મું ધોરણ ભણવા માટે શહેરમાં ગઈ હતી.હું 12મા બોર્ડમાં જિલ્લામાં ટોપ પર હતી.

સાનિયાએ વધુમાં જણાવ્યું કે, તે અવની ચતુર્વેદીથી પ્રેરિત છે. જ્યારે ખબર પડી કે તે દેશની પહેલી મહિલા ફાઈટર પાઈલટ છે, જેને 2015માં કમિશન કરવામાં આવી હતી.પરંતુ ત્યારપછી કોઈ મહિલાને ફાઈટર સ્ટ્રીમમાં સામેલ કરવામાં આવી નથી.ત્યારથી મેં ફાઈટર પાઈલટ બનવાનું સપનું જોયું હતું. પછી મેં NDAની તૈયારી શરૂ કરી. NDAમાં મહિલાઓ માટે 19 બેઠકો હતી, જેમાંથી 2 બેઠકો ફાઈટર પાઈલટ માટે હતી.

સાનિયાએ કહ્યું કે,મારા માતા-પિતાએ મને પૂરો સાથ આપ્યો હતો.બધાએ મને ભણવા માટે પ્રેરણા આપી.મને આશા છે કે ભવિષ્યમાં લોકો મારી પાસેથી પણ પ્રેરણા લેશે.